Litanie dei santi (Latino)

Litaniae Sanctorum

I. SUPPLICATIO AD DEUM

Kyrie, eleison.
Kyrie, eleison.

Christe, eleison.
Christe, eleison.

Kyrie, eleison.
Kyrie, eleison.

Christe, audi nos.
Christe, audi nos.
Christe, exaudi nos.
Christe, exaudi nos.

Pater de caelis Deus,
R. miserere nobis.
Fili Redemptor mundi Deus, R.
Spiritus Sancte Deus, R.
Sancta Trinitas, unus Deus,

II. INVOCATIO SANCTORUM

Sancta Maria,
R. ora pro nobis.
Sancta Dei Genetrix, R.
Sancta Virgo virginum, R.
Sancte Michael, R.
Sancte Gabriel, R.
Sancte Raphael, R.
Omnes sancti Angeli et Archangeli,
orate pro nobis.
Omnes sancti beatorum Spirituum ordines,
orate pro nobis.

PATRIARCHAE ET PROPHETAE

[Sancte Abraham,]
R. ora pro nobis.
[Sancte Moyses,]
[Sancte Elia,]
Sancte Ioannes Baptista, R.
Sancte Ioseph, R.
Omnes sancti Patriarchae et Prophetae,
orate pro nobis.

APOSTOLI ET DISCIPULI

Sancte Petre,
R. ora pro nobis.
Sancte Paule, R.
Sancte Andrea, R.
Sancte Iacobe (maior), R.
Sancte Ioannes, R.
Sancte Thoma, R.
Sancte Iacobe (minor), R.
Sancte Philippe, R.
Sancte Bartolomaee, R.
Sancte Matthaee, R.
Sancte Simon, R.
Sancte Thaddaee, R.
Sancte Matthia, R.
Sancte Barnaba, R.
Sancte Luca, R.
Sancte Marce, R.
Omnes sancti Apostoli et Evangelistae,
orate pro nobis.
Omnes sancti discipuli Domini,
orate pro nobis.

MARTYRES

Omnes sancti Innocentes,
orate pro nobis.
Sancte Stephane,
R. ora pro nobis.
[Sancte Ignati (Antiochene), R.]
[Sancte Polycarpe, R.]
[Sancte Iustine, R.]
Sancte Laurenti, R.
Sancte Vincenti, R.
Sancti Fabiane et Sebastiane, R.
Sancti Ioannes et Paule, R.
Sancti Cosma et Damiane, R.
Sancti Gervasi et Protasi, R.
[Sancte Cypriane, R.]
[Sancte Bonifati, R.]
[Sancte Stanislae, R.]
[Sancte Thoma (Becket), R.]
[Sancti Ioannes (Fisher) et Thoma (More), R.]
[Sancte Paule (Miki), R.]
[Sancti Ioannes (de Brebeuf) et Isaac (Jogues), R.]
[Sancte Petre (Chanel), R.]
[Sancte Carole (Lwanga), R.]
[Sanctae Perpetua et Felicitas, R.]
[Sancta Maria (Goretti), R.]
Omnes sancti martyres, R.
orate pro nobis.

EPISCOPI ET DOCTORES

Sancte Sylvester,
R. orate pro nobis.
[Sancte Leo, R.]
Sancte Gregori, R.
Sancte Ambrosi, R.
Sancte Augustine, R.
Sancte Hieronyme, R.
[Sancte Athanasi, R.]
[Sancti Basili et Gregori (Nazianzene), R.]
[Sancte Ioannes Chrysostome, R.]
Sancte Martine, R.
Sancte Nicolae, R.
[Sancte Patrici, R.]
[Sancti Cyrille et Methodi, R.]
[Sancte Carole (Borromeo), R.]
[Sancte Francisce (de Sales), R.]
[Sancte Pie (Decime), R.]
Omnes sancti Pontifices et Confessores, R.
R. orate pro nobis.
Omnes sancti Doctores,
R. orate pro nobis.

PRESBYTER ET RELIGIOSI

Sancte Antoni,
R. ora pro nobis.
Sancte Benedicte, R.
Sancte Bernarde, R.
Sancte Dominice, R.
Sancte Francisce, R.
[Sancte Thoma (de Aquino), R.]
[Sancte Ignati (de Loyola), R.]
[Sancte Francisce (Xavier), R.]
[Sancte Vincenti (de Paul), R.]
[Sancte Ioannes Maria (Vianney), R.]
[Sancte Ioannes (Bosco), R.]
Omnes sancti Sacerdotes et Levitae
R. orate pro nobis.
Omnes sancti Monachi et Eremitae,
R. orate pro nobis.

SANCTAE DEI

Sancta Anna,
R. ora pro nobis.
Sancta Maria Magdalena, R.
Sancta Agatha, R.
Sancta Lucia, R.
Sancta Agnes, R.
Sancta Caecilia, R.
Sancta Catharina, R.
Sancta Anastasia, R.
[Sancta Catharina (Senensis), R.]
[Sancta Teresia (de Avila), R.]
[Sancta Rosa (de Lima), R.]
Omnes sanctae Virgines et Viduae,
R. orate pro nobis.

LAICI

[Sancte Lodovice,]
R. ora pro nobis.
[Sancta Monica, R.]
[Sancta Elisabeth (Hungariae), R.]
Omnes Sancti et Sanctae Dei,
intercedite pro nobis.

III. INVOCATION AD CHRISTUM

Propitius esto
parce nos, Domine.
Propitius esto,
exaudi nos, Domine.
Ab omni malo,
R. libera nos, Domine.
Ab omni peccato, R.
Ab ira tua, R.
A subitanea et improvisa morte, R.
Ab insidiis diaboli, R.
Ab ira et odio et omni mala voluntate, R.
A spiritu fornicationis, R.
A fulgure et tempestate, R.
A flagello terraemotus, R.
A peste, fame et bello, R.
A morte perpetua, R.
Per mysterium sanctae Incarnationis tuae, R.
Per adventum tuum, R.
Per nativitatem tuam, R.
Per baptismum et sanctum ieiunium tuum, R.
Per crucem et passionem tuam, R.
Per mortem et sepulturam tuam, R.
Per sanctam resurrectionem tuam, R.
Per admirabilem ascensionem tuam, R.
Per adventum Spiritus Sancti Paracliti, R.
In die iudicii, R.

IV. SUPPLICATIO PRO VARIIS NECESSITATIBUS

Peccatores,
R. te rogamus, audi nos.
Ut nobis parcas, R.
Ut nobis indulgeas, R.
Ut ad veram paenitentiam nos perducere digneris, R.
Ut Ecclesiam tuam sanctam regere et conservare digneris, R.
Ut domum Apostolicum et omnes ecclesiasticos ordines in sancta religione conservare digneris, R.
Ut inimicos sanctae Ecclesiae humiliare digneris, R.
Ut regibus et principibus christianis pacem et veram concordiam donare digneris, R.
Ut cuncto populo christiano pacem et unitatem largiri digneris, R.
Ut omnes errantes ad unitatem Ecclesiae revocare, et infideles universos ad Evangelii lumen perducere digneris, R.
Ut nosmetipsos in tuo sancto servitio confortare et conservare digneris, R.
Ut mentes nostras ad caelestia desideria erigas, R.
Ut omnibus benefactoribus nostris sempiterna bona retribuas, R.
Ut animas nostras, fratrum, propinquorum et benefactorum nostrorum ab aeterna damnatione eripias, R.
Ut fructus terrae dare et conservare digneris, R.
Ut omnibus fidelibus defunctis requiem aeternam donare digneris, R.
Ut nos exaudire digneris, R.

V. CONCLUSIO

Fili Dei,
te rogamus, audi nos.
Agnus Dei, qui tollis peccata mundi,
parce nobis, Domine.
Agnus Dei, qui tollis peccata mundi,
exaudi nos, Domine.
Agnus Dei, qui tollis peccata mundi,
miserere nobis.

Christe,
audi nos.
Christe,
exaudi nos.
Kyrie, eleison.
Kyrie, eleison.
Christe, eleison.
Christe, eleison.
Kyrie, eleison.
Kyrie, eleison.
Pater noster (silentio)
Et ne nos inducas in tentationem.
Sed libera nos a malo.

PSALMUS LXIX

Deus, in adiutorium meum intende:
Domine ad adiuvandum me festina.
Confundantur, et revereantur,
qui quaerunt animam meam.
Avertantur retrorsum, et erubescant,
qui volunt mihi mala
Avertantur statim erubescentes,
qui dicunt mihi: Euge, euge.
Exultent et laetentur in te,
omnes qui quaerunt te.
Et dicant semper: Magnificetur Dominus:
qui diligunt salutare tuum.
Ego vero egenus et pauper sum:
Deus adiuva me
Adiutor meus et liberator meus es tu:
Domine, ne moreris.

Gloria Patri…

Salvos fac servos tuos.
Deus meus, sperantes in te.
Esto nobis, Domine, turris fortitudinis.
A facie inimici.
Nihil proficiat inimicus in nobis.
Et filius iniquitatis non apponat nocere nobis.
Domine, non secundum peccata nostra facias nobis.
Neque secundum iniquitates nostras retribuas nobis.

Oremus pro Pontifice nostro N.
Dominus conservet eum, et vivificet eum, et beatum faciat eum in terra, et non tradat eum in animam inimicorum eius.

Oremus pro benefactoribus nostris.
Retribuere dignare, Domine, omnibus nobis bona facientibus propter nomen tuum, vitam aeternam.
Amen.

Oremus pro fidelibus defunctis.
Requiem aeternam dona eis, Domine, et lux perpetua luceat eis.
R. Requiescant in pace.
Amen.

Pro fratribus nostris absentibus.
Salvos fac servos tuos, Deus meus, sperantes in te.
Mitte eis, Domine, auxilium de sancto.
Et de Sion tuere eos.
Domine, exaudi orationem meam.
Et clamor meus ad te veniat.
Dominus vobiscum.
Et cum spiritu tuo.

COLLECTA

Oremus.
Deus, cui proprium est misereri semper et parcere: suscipe deprecationem nostram; ut nos, et omnes famulos tuos, quos delictorum catena constringit, miseratio tuae pietatis clementer absolvat.

Exaudi, quaesumus, Domine, supplicum preces, et confitentium tibi parce peccatis: ut pariter nobis indulgentiam tribuas benignus et pacem.

Ineffabilem nobis, Domine, misericordiam tuam clementer ostende: ut simul nos et a peccatis omnibus exuas, et a poenis quas pro his meremur, eripias.

Deus, qui culpa offenderis, paenitentia placaris: preces populi tui supplicantis propitius respice; et flagella tuae iracundiae, quae pro peccatis nostris meremur, averte.

Omnipotens sempiterne Deus, miserere famulo tuo Pontifici nostro N., et dirige eum secundum tuam clementiam in viam salutis aeternae: ut, te donante, tibi placita cupiat, et tota virtute perficiat.

Deus, a quo sancta desideria, recta consilia, et iusta sunt opera: da servis tuis illam, quam mundus dare non potest, pacem; ut et corda nostra mandatis tuis dedita, et, hostium sublata formidine, tempora sint tua protectione tranquilla.

Ure igne Sancti Spiritus renes nostros et cor nostrum, Domine: ut tibi casto corpore serviamus, et mundo corde placeamus.

Fidelium, Deus omnium Conditor et Redemptor, animabus famulorum famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.

Actiones nostras, quaesumus, Domine, aspirando praeveni et adiuvando prosequere: ut cuncta oratio et operatio a te semper incipiat et per te coepta finiatur.

Omnipotens sempiterne Deus, qui vivorum dominaris simul et mortuorum, omniumque misereris, quos tuos fide et opere futuros esse praenoscis: te supplices exoramus;

Ut pro quibus effundere preces decrevimus, quosque vel praesens saeculum adhuc in carne retinet vel futurum iam exutos corpore suscepit, intercedentibus omnibus Sanctis tuis, pietatis tuae clementia, omnium delictorum suorum veniam consequantur.

Per Dominum nostrum Iesum Christum.

Dominus vobiscum.
Et cum spiritu tuo.
Exaudiat nos omnipotens et misericors Dominus.
Amen.
Et fidelium animae per misericordiam Dei requiescant in pace.

Croce Amen.

Lascia un commento